Bro. Cesar DM De Sagun

Sa ngalan ng pamunuan ng Parish Pastoral Council ng Shrine of Jesus in the Holy Sepulchre, ako po ay malugod na bumabati sa ating parokya ng maligayang ika-40 taong paggunita ng ating pagkakatatag bilang isang parokya.

Tayo ay higit na nagpapasalamat sa iba’t-ibang ministries at samahan sa ating parokya, gayundin sa mga ordinaryong mananampalataya na naging matapat na tagasunod at nagbibigay inspirasyon upang patuloy nating maitaguyod ang adhikain at diwa ng ating parokya.

Nagpapasalamat din tayo sa ating mga deboto ni Lolo Uweng, na kahit dumadanas sila ng matinding kahirapan at pagsubok ay masayang-masaya pa rin at bukas ang kanilang mga palad sa pagbibigay ng tulong.

Sa lumalagong komunidad ng mga deboto, tayo ay umaasa na madama ng bawa’t isa ang totoong biyaya ng ating Mahal na Panginoon sa ating araw-araw na pamumuhay. Patuloy din po tayong nananalangin para sa pamunuan ng ating simbahan nang sa gayon ay mahusay nating magampanan ang tungkulin nating maglingkod sa higit na nangangailangan.

Maligayang pagbati sa ating lahat at nawa’y yumabong pa ang ating pananampalataya at maging daan tayo sa biyaya ng ating Emmanuel sa lahat ng oras.

Bro. Cesar DM De Sagun